朱古力迷机会嚟喇！6款必食邪恶朱古力酱

朱古力酱係各款甜品嘅常客，淋朱古力酱上甜品上面简直係有升级嘅感觉。而平时自己喺屋企搽下朱古力酱麵包，同样满足又好食。朱古力酱嘅魅力就係佢配上咩食物，都係咁好味～～～～～

1. 童年回忆 欣欣杯

细细嗰嘅读小学嘅时候，最锺意小息去小食部买欣欣杯嚟食，欣欣杯有不同口味，例如朱古力、士多啤梨、牛奶等等，但饼乾棒点朱古力酱真係绝配。但每次食到尾，朱古力酱都唔够，会有几条饼乾棒点唔到朱古力酱㗎～～～

2. 经典味道 Nutella

相信所有人对Nutella都唔会陌生，Nutella係早餐良伴，榛子朱古力味浓郁，就咁直接食或者搽麵包，都係好食到不得了～Nutella推出不同大小容量嘅版本，即使买一樽最大Size嘅放喺屋企，都一定可以清哂，实在太好味啦！

3. 独特口感 IKEA 脆糖朱古力酱

IKEA出嘅朱古力酱内有奶油糖碎，食落去除咗有朱古力嘅香滑质感，仲会咬到糖碎，奶油加上朱古力味非常滋味。而且，可以当係甜品嘅Topping，放係雪糕、蛋糕或加落热牛奶入面都得！

4. 传统製作 Maglio黑朱古力酱

Maglio朱古力酱来自意大利，製作过程认真，根据祖母古老食谱製作，做出传统高级味道。浓浓嘅榛子味配上饼乾、蛋糕最适合不过，另有推出香滑牛奶朱古力酱。

5. 怀旧之选 德兴朱古力酱

来自台中嘅怀旧糖果，体积的骰，好似牙膏咁唧出嚟食。喺朱古力酱未进口台湾时，经已推出，可以话係台湾人嘅古早味朱古力酱。

6. 饮品变奏 阿华田脆脆麦精朱古力酱

呢排都非常之Hit嘅阿华田朱古力酱，个个都推介用佢嚟搽麵包，加上入面有细细粒嘅脆脆，虽然佢唔算係朱古力酱，但佢真係甜而不腻，我哋都好推介绍比大家！

Bonus！日本强力发明 即食朱古力片

片装嘅朱古力，整热佢就变成朱古力酱，用法十分方便，又可以Cut出不同形状，放上麵包或班戟上，超有新意。